Boßelleed

Wenn´t buten huult un störmt un weiht,
Wenn´t früßt, dat man so knackt,
Denn kaamt de Boßlers angereist
Mit Boßels, Kried un Sack,
Den Schunker un de Dreiersmann,
De Grüppenspringer mit,
Se freut sik op dat Iisfeld dann
Un bringt ok Kreetlers mit.
Se sünd hier fründlich opgenamen!
Lüch op, hurra! Lüch op, hurra!
Wi roopt: Jüm sind uns hier willkamen!
Lüch op, hurra! Lüch op, hurra!

Un morgen geiht dat rut in´t Feld
Dar ward wi denn je sehn,
Dat dücht´ge Boßlers op de Welt
Sünd fix mit Arm un Been,
Dar wiest sik echte Manneskraft,
De hoolt wi hoch un weert,
De sik den Ehrenpries verschafft,
Ward Sieger proklameert.
Drum frisch heran, Jüm Boßelbröder!
Lüch op, hurra! Lüch op, hurra!
Raff mit de dichten Öberkleeder!
Lüch op, hurra! Lüch op, hurra!

Un is den Kampf denn bröcht to Enn´n,
Kaamt wi torücht to´t Maal,
So köönt mit Ehrenpries wi denn
Den besten Mann in´n Saal.
Wi tröst den annern mit den Wunsch:
Kumm anner Jahr in´t Land,
Dat se denn Ehrensieger ward
Vun´n Boßeler-Verband.
De Dreiers, Schunkers, de schöllt leben!
Lüch op, hurra! Lüch op , hurra!
De Grüppenspringers ok daneben!
Lüch op, hurra! Lüch op, hurra!